چین کو موسم بہار کے تہوار کے دوران 9 ارب بین العلاقائی دوروں کی توقع

بیجنگ(شِنہوا)آنے والے موسم بہار کے میلے کے سفری رش کے دوران چین میں تقریباً 9 ارب بین العلاقائی دورے متوقع ہیں۔قومی ٹیلی کانفرنس کے مطابق یہ اعداد و شمار گزشتہ موسم بہار کے تہوار کے عروج کے موسم کے مقابلے میں 7 فیصد بڑھنے کی پیش گوئی کی گئی ہے اور اس کا ریکارڈ سطح تک پہنچنے کا امکان ہے۔یہ سالانہ سفری رش جسے "چھونیون” بھی کہا جاتا ہے، عام طور پر نقل و حمل کی اعلیٰ طلب کا عرصہ ہوتا ہے کیونکہ لوگ اپنے خاندان والوں سے ملنے کے لئے اپنے اپنے آبائی علاقوں کو جاتے ہیں۔ 2025ء کا چھونیون 14 جنوری سے 22 فروری تک جاری رہے گا۔بین العلاقائی ریل سفر اور شہری ہوا بازی کے ذریعے مسافروں کا سفر بھی بالترتیب 51کروڑ اور 9کروڑ کے ریکارڈ کو چھونے کا امکان ہے۔وزارت ٹرانسپورٹ سمیت 8 سرکاری محکموں نے منگل کے روز آنے والے سفری رش کی حفاظت، بلاتعطل معمولات اور محفوظ خدمات کو یقینی بنانے کے لئے ایک لائحہ عمل جاری کیا ہے۔اس منصوبے میں توانائی سے چلنے والی نئی گاڑیوں کے لئے چارجنگ سروسز کی فراہمی کو یقینی بنانے کے لئے اقدامات کی نشاندہی کی گئی ہے۔ مصروف سروس ایریاز میں اضافی چارجنگ کی سہولیات کھولنے کی کوششوں کا عزم کیا گیا ہے اور ڈرائیوروں کو سفر کے دوران منظم پارکنگ اور چارجنگ کو یقینی بنانے کے لئے رہنمائی فراہم کی گئی ہے۔چین میں سب سے اہم روایتی موسم بہار کاتہوار 29 جنوری 2025 کو ہوگا۔
___