چین اور امریکہ محاذ آرائی کے بجائے بات چیت کا انتخاب کریں، چینی صدر

بیجنگ (شِنہوا) چینی صدر شی جن پھنگ نے کہا ہے کہ چین اور امریکہ کو محاذ آرائی کے بجائے بات چیت کا انتخاب کرنا اور زیرو سم کھیل کی بجائے باہمی مفید تعاون کو ترجیح دینا چاہئے۔چین کے صدر شی جن پنگ نے امریکہ۔ چین بزنس کونسل کے 2024 کے عشائیہ پر اپنے تہنیتی خط میں کہا کہ چین نئے دور میں دونوں ممالک کے لئے ایک دوسرے کے ساتھ مل کر کام کرنے اور اس سیارے پر طویل مدتی اور پرامن بقائے باہمی کو حقیقت کا روپ دینے کے لئے درست راہ کی تلاش جاری رکھنے کو تیار ہے۔انہوں نے کہا کہ دونوں ممالک کے مفادات ایک دوسرے سے جڑے ہوئے ہیں اور باہمی تعاون کی گنجائش لامحدود ہے۔