چین میں اعلیٰ معیار کی ترقی اور وسعت کے لئے متعدد قانونی اور پالیسی اقدامات نافذ

بیجنگ(شِنہوا)چین میں اعلیٰ معیار کی ترقی اور اعلیٰ معیار کی وسعت کو فروغ دینے کی کوششوں کے ایک حصے کے طور پر بدھ کے روز مختلف قانونی اور پالیسی اقدامات نافذ العمل ہوگئے۔ان اقدامات میں ملک کا پہلا توانائی قانون، ڈیٹا سکیورٹی سے متعلق نیا ضابطہ، بڑی تعداد میں اشیا پر درآمدی ٹیرف میں کٹوتی اور چین اور مالدیپ کے درمیان آزاد تجارتی معاہدہ شامل ہے۔توانائی کے قانون کا مقصد اعلیٰ معیار کی توانائی کی ترقی کو فروغ دینا، قومی توانائی کی سلامتی کو یقینی بنانا، ماحول دوست منتقلی کو تیز کرنا اور کاربن کے اخراج کے خاتمے کے اہداف کو حاصل کرنے کے لئے ملک کی کوششوں کو تقویت دینا ہے۔ڈیٹا سکیورٹی کو فروغ دینے کے لئے نیٹ ورک ڈیٹا سکیورٹی مینجمنٹ کامقصد ڈیٹا پروسیسنگ کو منظم کرنا ، افراد اور تنظیموں کے جائز حقوق اور مفادات کے ساتھ قومی سلامتی اور عوامی مفادات کا تحفظ کرنا ہے۔بدھ کے روز مختلف اشیاء پر درآمدی محصولات میں بھی کمی دیکھی گئی جس کا مقصد معیاری مصنوعات کی درآمدات اور ملکی طلب کو بڑھانا ہے۔سالانہ ٹیرف ایڈجسٹمنٹ پلان کے حصے کے طور پر 935 اشیاء پر عارضی درآمدی محصولات کا اطلاق کیا جائے گا جو سب سے زیادہ پسندیدہ ممالک کی شرح سے کم ہیں۔چین مالدیپ آزاد تجارتی معاہدے سے مالدیپ کو چین کی صنعتی برآمدات بشمول بحری جہاز، برقی آلات اور فرنیچر کے ساتھ ساتھ سبزیوں اور پھلوں جیسی زرعی مصنوعات کی برآمدات کو فائدہ پہنچے گا۔ مالدیپ کی چین کو آبی برآمدات محصولات سے مستثنیٰ ہوں گی۔