علی ظفر اور علی عظمت فائنل کی اختتامی تقریب میں اپنی آواز کا جادو جگائیں گے

پی ایس ایل کی اختتامی تقریب کیلئے پاک فوج کے جوانوں کی پیراٹروپنگ ، ٹائٹل کی جیت کیلئے مقابلہ رات آٹھ بجے شروع ہوگالاہور (پاکستانی پوسٹ نیوز) آج قذافی سٹیڈیم لاہور میں پی ایس ایل کا بڑا مقابلہ ہو رہا ہے ۔ دلوں کی دھڑکنیں تیز ہیں اورشائقین کا جوش و جذبہ بھی عروج پر ہے ۔ سپر لیگ کا یہ سپر مقابلہ رات آٹھ بجے شروع ہوگا ۔ چھکوں اور چوکوں کی بارش ہوگی ۔ اختتامی تقریب میں گلوکار علی ظفر ، علی عظمت اور فاخر آواز کا رنگ جمائیں گے ۔ چلو چلو لاہور چلو کا نعرہ سب کے دل میں اتر گیا ۔ زندہ دلوں کے شہر میں پی ایس ایل کا میدان بھی سج گیا ۔ آج قذافی سٹیڈیم میں کھیل جمے گا اور خوب جمے گا ۔ شائقین بس شام کا انتظار کریں جب میدان میں صرف چوکوں اور چھکوں کی بھرمار ہوگی ۔ آج پشاور زلمی اور کوئٹہ گلیڈی ایٹرز کے درمیان قذافی سٹیڈیم لاہور میں گھمسان کا رن پڑے گا ۔ کوئی سٹیڈیم میں میچ کو انجوائے کرے گا تو کوئی گھر پر بڑے مقابلے کا مزا دوبالا کرے گا ۔ پی ایس ایل فائنل کی اختتامی تقریب میں گلوکار علی ظفر سیٹی بھی بجائیں گے اور اپنا رنگ بھی جمائیں گے ۔ گلوکار علی عظمت اور فاخر بھی آواز کا جادو دکھائیں گے ۔ رنگا رنگ اختتامی تقریب کیلئے پاک فوج کے جوانوں نے پیرا ٹروپنگ کی ریہرسل کی ، آج بھی پیرا ٹروپنگ کا شاندار مظاہرہ ہوگا ۔ زندہ دلوں کے شہر میں خوب زندہ دلی کا مظاہرہ ہوگا ۔